(قصيدة ألم.......... )

]يضيق الكون من حولي إذا شفت الحزن يغشاك

وهمك ليلـة البـارح يكفـي ماخـذك عنـي

وش اللي زعلك عمري عساني فدوةٍ لرضـاك

وش اللي كدر الخاطر عسى ماهو خطا منـي

تركت القلب في حيره عجزت افهم سبب مسراك

سرحت بهاجس افكاري سهام الشـك تطعنـي

تموت الفرحه في عيني أذا طريت لـي فرقـاك

لأني فبعـدك اتألـم وحـزن الكـون يسكنـي

نزفت الجرح لعيونـك ودمـعٍ غالـيٍ يفـداك

ولبست من الحزن ثوبٍ نقشـت بداخلـه فنـي

حبيبي بهجـة ايامـي تعـال ومدلـي يمنـاك

وثقت فحبك الغالي وابد ماخـاب بـك ضنـي

اناجي بالغلا روحك وصوتٍ مـن ولـه نـاداك

أبسمع أصدق احساسٍ عشقته من صغر سنـي

تبسم يا بعد عمري عسى الفرحه تجي دنيـاك

تبسم تضحك عيوني وعصافير الهـوى تغنـي

يا سبحان الذي ابعد جميع الخلق لـي وادنـاك

عرفت أن الهوى قسمه وربـي فيـك مافـات ..